Eksperti i sigurisë Ilir Kulla në emisionin Zonë e Lirë paralajmëroi se pas ish-Kryeministrit Sali Berisha, rradhën do e kenë ata që janë sot në qeverisjen e vendit.
Kulla tha se mënyra e gjetur ndaj Berishës është nxjerrja e tij nga politika.
“Shembulli është që duhet të ikësh në shtëpi. George Bush erdhi në Shqipëri si President i SHBA, por sot është në pension politik në Amerikë.
Këtu politikën e kanë kthyer në një shpk të madhe politikën ku askush nuk ikën, sot kemi Partinë Socialiste dhe CEO një individ të kësaj shpk. Këtu nuk ikën as ai kryetari i federatës së pingpongut, askush nuk ikën”, tha Kulla.
Ai u shpreh se Edi Rama ishte shumë i gëzuar kur SPAK i vendosi Berishës masën e detyrimit të paraqitjes, ndërsa u mërzit shumë kur i shkoi kërkesa për heqjen e imunitetit.
“Do e shikoni, sfida e rradhës do të jetë ose SPAK do i çojë në shtëpi këta në vitin e ardhshëm dhe në 2025 nuk do të kemi këta aktorë, ose këta aktorët e sotëm do të bëhen bashkë dhe do të fusin duart te drejtësia. Kjo është sfida, do e shikojmë se çfarë do të ndodhë”, tha Kulla.
Sipas tij, ccështja e Berishës është e mbyllur, ndërsa Rama po sheh spektaklin.
“Kjo që po ndodh sot nisi në 2016 kur ata 140 deputetë si legena shkuan dhe votuan, ndërsa dy ambasadorët i shikonin dhe qeshnin nga lozhat e Kuvendit”, tha Kulla.
Sipas tij, ajo që do të ndodhë në Shqipëri do të jetë e ngjashme me pamjet në Milano të Italisë në vitet 1992-1994, ku të gjithë mediat rrinin në prokurori dhe gjykatë.
Discussion about this post