Kina po bëhet gati të nisë një luftë kundër Tajvanit. Paralajmërimi vjen nga ministri i jashtëm i ishullit Joseph Wu, një ditë pasi Pekini përfundoi stërvitjet treditore ushtarake, ku simuloi sulme të precizonit të lartë ndaj Tajvanit.
Në një intervistë për CNN, shefi i diplomacisë tajvaneze, dënoi veprimet e Kinës dhe i cilësoi si të papranueshme.
“Nga stërvitjet ushtarake dhe gjithashtu retorika, duket se Kina po bëhet gati të nisë një luftë kundër Tajvanit. Mënyra e Pekinit për të trajtuar dallimet me Tajvanin, është përmes kërcënimit ushtarak dhe përdorimit të forcës. Kjo është diçka të cilën ne nuk mund ta pranojmë.”
I pyetur mbi kohën enjë aksionit të mundshëm ushtarak kinez, duke konsideruar vlerësime të inteligjencës amerikane se Shi Xhinpin ka udhëzuar ushtrinë te jetë përgatitet deri në 2027-n, Wu shprehu besim tek gatishmëria e Tajvanit.
“Liderët kinezë do ta mendojnë dy herë përpara se të përdorin forcën kundër nesh. Dhe pavarësisht nëse do të ndodhë në 2025 ose në 2027, Tajvani thjesht duhet të jetë gati.”
Kina ka zhvilluar stërvitje ushtarake rreth Tajvanit edhe në të kaluarën, por kjo ishte hera e parë që simuloi sulme me avionë luftë, nga aeroplan mbajtëset e saj. Pekini i nisi lojërat e luftës të shtunën, një ditë pasi Presidentja tajvaneze Tsai Ing-Wen u rikthye nga një vizitë 10-ditore në Amerikën qendrore dhe Shtetet e Bashkuara ku u takua me kreun e Dhomës së Përfaqësueseve Kevin Mc Carthy. Pekini i cilësoi stërvitjet si parlajmërim serioz, për ato që i quajti forca separatiste te Tajvanit.
Discussion about this post