Deputeti i Partisë Demokratike të Kosovës Xhavit Haliti ka paralajmëruar që situata në veri të vendit mund të përshkallëzohet. Ai shtoi se kur të vijë koha për vendosjen e gjobave, institucionet në këtë zonë do të digjen. Kjo sipas tij, do të jetë një kundërpërgjigje nga serbët.
Mes të tjerash Haliti thekson se serbët në veri do t’iu vënë flakë pikave kufitare, doganave e objekteve tjera.
Lexo edhe: Kosovë/ Caktohet data e zgjedhjeve të jashtëzakonshme
“Ditën kur të fillojnë gjobat, ata kanë një projekt të tyre si përgjigje. Rreziku për mua është se do të digjen institucionet e Kosovës. Do t’u vie flaka ndërtesave të doganës, policisë, gjykatës e komunave”, tha ai për ATV.
Sipas tij, beteja e Serbisë është më i bind Bashkimin Evropian se Kosova është kundër qytetarëve serb në veri.
“Beteja e Serbisë është me BE me bind atë se institucionet e shtetit të Kosovës janë kundër serbëve, nuk pranojnë asnjë sugjerim të bashkësisë ndërkombëtare dhe pastaj mund të veprojnë në variantin e tyre”, u shpreh Haliti.
Discussion about this post