Kryetari i Partisë së Lirisë, Ilir Meta paralajmëroi nga studio e News24 se shumë shpejt do të vijë momenti kur emri i tij të jetë në fletën e votimit.
Duke komentuar fushatën, Meta ironizoi dhe posterat e PS ku shihet vetë fotoja e Ramës dhe jo e kandidatëve socialistë për kryetarë bashkie.
“Me cilën bashki kandidon ky zotëria?! Ky do bënte fushatë të lirë? Si e mbushi Shqipërinë me banera? Ato kushtojnë! Vetëm të na thotë ku do votojmë ne për këtë, se ky është kryeministër apo jo? Se pushteti vendosur është i pavarur nga ai qendror. Ky kë respekton? Ndarjen midis qeverisë dhe pushtetit vendor? Apo kandidon për çdo gjë? Institucionet e tjera nuk kanë vlerë në këtë vend?!
Vetëm keqardhje për një njeri me probleme të mëdha që nuk e ka vendin aty ku është, por të paktën të ketë një mjekim të specializuar mendor, që askush nuk ka guxim t’ia ofrojë mesa duket. Shumë shpejt do vijë vota dhe për emrin tim, por në 14 maj votohet Belind Këlliçi ose kandidati që ky e fsheh nga qytetarët”, tha Meta.
Discussion about this post