Paralajmëron Putin: Do forcojmë ushtrinë me artileri të avancuar

Presidenti rus Vladimir Putin u zotua të pajisë ushtrinë e tij me pajisje të avancuara.

“Një ushtri dhe marinë moderne, efikase janë matës i sigurisë dhe sovranitetit të një vendi, një matës i zhvillimit të tij të qëndrueshëm, i së ardhmes së tij. Prandaj, si më parë, ne do t’i kushtojmë vëmendje prioritare forcimit të aftësive tona mbrojtëse”, tha ai.

Presidenti mori pjesë në një ceremoni në Moskë dhe vendosi kurora me lule në varrin e Ushtarit të Panjohur jashtë Kremlinit përpara se të takohej me veteranët ushtarakë rusë. Ai tha se Rusia do të kryejë zhvillimin e ekuilibruar dhe me cilësi të lartë të të gjithë komponentëve të forcave të armatosura në veçanti duke pajisur trupat me sisteme të reja sulmi, pajisje zbulimi dhe komunikimi, drone dhe sisteme artilerie.

“Tani industria jonë po rrit me shpejtësi prodhimin e një game të tërë armësh konvencionale,” tha ai.

Putin gjithashtu përshëndeti ushtarët rusë, të cilët po luftojnë heroikisht në Ukrainë dhe mbrojtën popullin rus. Vjeshtën e kaluar ai njoftoi mobilizimin e 300,000 rezervistëve për të rritur radhët e Rusisë në Ukrainë.