Varianti Omicron i Covid-19 po sjell simptoma të reja tek ata që infektohen. Disa njerëz që janë të infektuar me këtë mutacion të ri kanë raportuar një simptomë që ata e përshkruajnë si një “makth” . Është paralizë e gjumit . Sipas NHS, paraliza e gjumit është kur nuk mund të lëvizësh apo të flasësh ndërkohë që zgjoheni ose bini në gjumë. Ata e shpjegojnë si një gjendje që ndodh kur një person nuk mund të lëvizë muskujt e tij sepse është sikur të jetë duke fjetur ndërsa truri është zgjuar. Çrregullimi mund të prekë në çdo fazë të gjumit.
Paraliza e gjumit është një nga parasomnitë dhe karakterizohet nga përfshirja e paralizës fiziologjike të muskujve karakteristikë të fazës REM e cila ndodh në një moment kalimi midis zgjimit dhe gjumit. Në thelb ju keni ndjenjën e të qenit zgjuar dhe të paralizuar. Një ndjesi që zgjat disa sekonda, por që mund t’u duket atyre që e jetojnë një moment shumë më të gjatë dhe mbi të gjitha shumë shqetësues dhe i frikshëm.
Për fat të mirë, kjo simptomë makthi është e padëmshme dhe mund të ndodhë disa herë në jetë, siguron NHS, sistemi kombëtar shëndetësor i Mbretërisë së Bashkuar. Vetëm për një pakicë subjektesh mund të përsëritet disa herë duke ndikuar në cilësinë e jetës dhe gjumit të subjektit.
Discussion about this post