Një ngjarje kriminale është parandaluar në një familje në Kurbin. Burime nga policia për gijotina.com bëjnë me dije se në komisariatin e policisë kishte mbërritur informacioni se në një familje në fshatin Ferr-Shkopet kishte një konflikt.
Sipas policisë Preng Gega ka qëlluar me armë në drejtim të djalit, fatmirësisht pa i shkaktuar dëmtime këtij të fundit. Gega është arrestuar nga policia pas disa orësh ndjekjeje.
Theksojmë se ngjarja ka ndodhur për konflikte banale, çka ka sjellë që situata të agravojë në përdorimin e armës. Babai ka qëlluar me një armë zjarri në drejtim të djalit të tij të identifikuar me iniciale L. G., banues në Ferr-Shkopet, Kurbin, pa i shkaktuar lëndime.
Pritet të zbardhen detaje të tjera pas marrjes në pyetje të të arrestuarit i cili do të përballet me akuzën për këtë vepër penale.
Discussion about this post