Pas disa minutash ndjekje, një 42-vjeçar ka rënë në prangat e policisë së Vlorës. Mësohet se personi në fjalë qarkullonte me një makinë tip “Porsche”. Por një moment, ai nuk i është bindur urdhrit për të ndaluar. 42-vjeçari Hasan Hasanaj, banues në lagjen “Partizani” Vlorë u arrestua rreth orës 01:50.
Ky shtetas lëvizte me automjetin luksoz ngjyrë blu pa targa. Ai nuk iu bind urdhrit te patrullës Shqiponja 1 për te ndaluar. Por u largua me shpejtësi ne brendësi të lagjes Isa Boletini.
42-vjeçari ishte i maskuar, ndalimi dhe prangosja e tij u bë në një e rruge dytësore pas rreth 15 minutash ndjekje.
Në momentin e prangosjes ai tha se ishte konfliktuar në një klub nate “Club Calvin”. Për ketë arsye ishte maskuar dhe kishte hequr targat e mjetit.
Gjate kontrollit te mjetit u gjet një maske, 1 mjet prerës thikë dhe targat e automjetit.
Gjate testit te kryer nga qarkullimi rrugor rezultoi se personi ishte në gjendje të dehur, me testin 1.410 mgl.
Ndër të tjera Policia konstatoi se i maskuari kishte hematoma në fytyrë. Për rrjedhojë 42-vjeçari kërkoi ndihmë mjekësore nga policia. Pasi ka thënë se e kishin goditur disa persona te “Club Calvin”.
42-vjeçari u shoqërua për ndihmë në spitalin rajonal Vlorë ku dhe u shtrua për analiza të mëtejshme dhe ruhet nga patrulla e rendit.
Discussion about this post