Marrja flakë e një lokali ne aksin Elbasan- Peqin për pak sa nuk rezultoi fatale për dy pronarët e moshuar.
Ngjarja u regjistrua rreth orës 13:10 në fshatin Vidhas. Kanë qenë dy kalimtarë të rastit të cilët pasi kanë pare shtëllungat e tymit dhe janë afruar dhe kane nxjerre nga aty dy të moshuarit.
Gruaja rezulton e lënduar me disa plagë, fatmirësisht jashtë rrezikut për jetën. Ndërsa, burri është asfiksuar por pas marrjes së ndihmës së pare paraqitet jashtë rrezikut për jetën.
Kanë qenë kalimtarët që ofruan ndihmën e parë të cilët lajmëruan policinë dhe zjarrfikësen. Fatmirësisht ne momentin e ngjarjes në biznes nuk ka patur klientë.
Ndërsa mbeten të paqarta arsyet e zjarrit burimet bëjnë me dije se ndërhyrja në kohë rekord e zjarrfikëses parandaloi shpërthimin e bombulës së gazit që gjendej në brendësi.
