Komisariati i Policisë Krujë ka arrestuar në flagrancë shtetasin Luti Jakupi 25 vjeç, banues në Thumanë. Gjithashtu, po punohet për kapjen e vëllait të tij, shtetasit Agim Jakupi 34 vjeç, banues në Thumanë.
Dy vëllezërit Jakupi, për motive të dobëta janë konfliktuar me shtetasin A. Hidi 41 vjeç, banues në Thumanë, të cilin e kanë goditur me çekiç.
Njoftimi i Policisë:
Krujë
Falë ndërhyrjes në kohë nga shërbimet e Policisë së Komisariatit Krujë, parandalohet përshkallëzimi i mëtejshëm i një konflikti me sende të forta.
Goditën me send të fortë (çekiç), një shtetas, vihet në pranga njëri prej autorëve, shpallet në kërkim bashkëpunëtori i tij.
Shërbimet e Komisariatit të Policisë Krujë, pas marrjes së njoftimit për një konflikt me sende të forta, në fshatin Thumanë, menjëherë kanë organizuar punën për kapjen e autorëve të dyshuar dhe sqarimin e rrethanave të konfliktit.
Si rezultat i veprimeve të shpejta profesionale shërbimet e Komisariatit të Policisë Krujë kanë kapur dhe arrestuar në flagrancë shtetasin L. J., 25 vjeç, banues në Thumanë.
Gjithashtu, po punojnë për kapjen e shtetasit A. J., 34 vjeç, banues në Thumanë.
Shtetasit L. J., dhe A. J., (vëllezër), për motive të dobëta, mbrëmjen e djeshme, janë konfliktuar me shtetasin A. H., 41 vjeç, banues në Thumanë, të cilin e kanë goditur me send të fortë (çekiç).
Si pasojë 41-vjeçari është dëmtuar dhe ndodhet në spital, nën kujdesin e mjekëve.
Në cilësinë e provës materiale u sekuestrua sendi i fortë (çekiçi) i përdorur gjatë ngjarjes.
Materialet i kaluan Prokurorisë, për veprime të mëtejshme procedurale.
Discussion about this post