Kryetari i Partisë Demokratike Sali Berisha ka dalë në një deklaratë për shtyp, ku po komenton nisjen e vitit të ri akademik me bojkot të mësimit nga pedagogët dhe studentët. Sipas ish-kreut të qeverisë, këto protesta parandalojnë shuarjen e universiteteve me të cilët qeveria po tregohet cinike.
Sali Berisha: Sot universitetet e vendit ishin në grevë dhe unë dua të përshëndes të gjithë ata pedagogë, punonjës e studentë që u përgjigjën thirrjes së sindikatave të tyre për të nisur një grevë të fuqishme e cila ka objektiv kryesor realizimin e kërkesave të ligjshme të Sindikatës së Universiteteve.
Pas qendrimit cinik, arrogant, të papërgjegjshëm të qeverisë, Sindikata vendosi të thërrasë për bojkot të mësimeve.
Ky vendim jashtëzakonisht i rëndësishëm, që synon të parandalojë shuarjen e universiteteve tona.
Nuk po kërkojnë asgjë tjetër veçse ato që sot gëzojnë kolegët e tyre të universitetit të Prishtinës.
Discussion about this post