Sinoptikani Akil Osmani parashikon një rritje të ndjeshme të temperaturave gjatë të martës, ku qytetet më të nxehta do të jenë Elbasani dhe Berati. Madje Osmani parashikon që vlerat e temperaturave në këto qytete të arrijnë 43 gradë celcius. Gjithashtu temperatura të larta do të regjistrohen edhe në Gjirokastër, Tiranë, Fier dhe Shkodër.
Në një intervistë për Neës24, Osmani tha se mesnata e ditës së martë sjell një freskim sa i përket motit duke bërë që mëngjesi i ditës së mërkurë të jetë 3 gradë më freskët.
“Ekziston një mundësi shumë e vogël e pasjes së prezencës së rrebesheve të izoluara kryesisht në zona veriore.
Pritet të jetë prezentë gjatë mbrëmjes së ditës së mërkurë, por është kalimtare. Pasi duke filluar nga dita e premte dhe fundjava do të jenë me mot me diell.
Korriku do të mbyllet me temperatura të vlerave në normale. Ditët e para të muajit gusht do të jenë me temperatura të larta. Por nuk ka sinjale që të jenë si kjo valë e të nxehtit që po kalojmë apo të jetë si stuhi”, tha ndër të tjera sinoptikani Akil Osmani.
Discussion about this post