Ditën e shtunë vendi ynë do të ndikohet nga kushte atmosferike të paqëndrueshme për shkak të masave ajrore relativisht të lagështa me origjinë perëndimore.
Moti parashikohet me vranësira mesatare deri të dendura si dhe intervale të herëpashershme kthjellimi kryesisht në jug e pjesërisht përgjatë Ultësirës Perëndimore nga orët e mesditë e pasdite me shtim të vranësirave. Në zonën e veriperëndimit reshje shiu të herëpashershme me intensitet të ulët dhe lokalisht deri mesatar në formën e shtrëngatave afatshkurtra. Në zonën e qendrës dhe jug reshje lokale shiu me intensitet të ulët (kryesisht në formën e pikave), megjithatë nuk do të mungojnë shtrëngata afatshkurtra të izoluara.
Mjegull e dendur lokale dhe mjegullinë do paraqitet kryesisht në zonat luginore, si dhe shikim i reduktuar në momentin e reshjeve të shiut.
Era do të fryjë me drejtim juglindje – jugperëndim me shpejtësi mesatare 7 m/sek, ndërsa përgjatë vijës bregdetare e lugina hera-herës pritet të fitojë shpejtësi 10m/sek, shoqëruar me valëzimin në dete të forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 10/14 | Re shi diell |
| Kukës | 8/13 | Re shi |
| Lezhë | 10/13 | Re shi |
| Dibër | 6/11 | Re shi diell |
| Durrës | 11/15 | Re shi diell |
| Tiranë | 14/17 | Re shi diell |
| Elbasan | 10/15 | Re shi diell |
| Berat | 8/17 | Re shi diell |
| Vlorë | 9/18 | Diell re shi |
| Korçë | 7/11 | Diell re shi |
| Gjirokastër | 7/11 | Diell re shi |
| Sarandë | 11/16 | Diell re shi |
Discussion about this post