Ditën e Hënë vendi ynë do të ndikohet nga kushte atmosferike të qëndrueshme. Masat ajrore që qarkullojnë janë të ftohta e të thata me origjinë veriore.
Moti parashikohet me kthjellime dhe alternime vranësirash mesatare kalimtare.
Pjesa e para të ditës do të mbizotërohet nga moti i kthjellët dhe vranësira të pakta në pjesën më të madhe të vendit, ku më të theksuara vranësirat do të jenë përgjatë shtrirjes Lindore. Parashikohet që gjatë pasdites, vranësirat dhe lagështira në ajër të shtohen gradualisht në të gjithë territorin e vendit por nuk priten reshje.
Temperaturat e ajrit do të pësojnë rritje në të dy vlerat ekstremale ditore duke u luhatur nga -1°C vlera minimale e shënuar në qytetin e Peshkopisë deri në 20°C vlera maksimale e cila pritet në qytetin e Beratit.
Era do të fryjë e lehtë dhe mesatare përgjatë gjithë ditës duke arritur shpejtësinë mbi 38 km/h nga drejtimi Juglindor, për pasojë në brigjet detare do të krijohet dallgëzim 1 – 2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 2/16 | Diell pak re |
| Kukës | -2/12 | Diell pak re |
| Lezhë | 2/15 | Diell pak re |
| Dibër | -4/11 | Diell pak re |
| Durrës | 4/18 | Diell pak re |
| Tiranë | 5/18 | Diell pak re |
| Elbasan | 5/18 | Diell pak re |
| Berat | 4/20 | Diell pak re |
| Vlorë | 5/18 | Diell pak re |
| Korcë | -2/11 | Diell pak re |
| Gjirokastër | 6/20 | Diell pak re |
| Sarandë | 1/17 | Diell pak re |
Discussion about this post