Ditën e mërkurë vendi ynë do të vijojë të jetë nën ndikimin e kushteve atmosferike të paqëndrueshmë.
Moti parashikohet të jetë me alternime vranësirash si dhe intervale kthjellimesh. Reshjet e shiut me intensitet të ulët pritet të jenë prezente që në orët e para të ditës në pjesën më të madhe të territorit, ndërsa në jug reshjet pritet të jenë me intensitet deri mesatar në formën e shtrëngatave afatshkurtra shoqëruar hera-herës me shkarkesa elektrike.
Nga orët e mesditës e pasdite reshjet pritet të jenë të herëpasherëshme me intensitet të ulët në formën e shtrëngatave afatshkurtra në pjesën më të madhe të territorit. Më pas reshjet humbasin intensitet dhe territor deri në ndëprerje të tyre për tu riaktivizuar nga orët e mesnatës.
Era do të fryjë me drejtim lindje-juglindje me shpejtësi mesatare 1-7m/sek, ndërsa përgjatë vijës bregdetare, male e lugina era fiton shpejtësi 10-13m/sek, shoqëruar me valëzimin në dete të forcës 1-3 ballë.
Temperaturat parashikohen me rritje të lehtë në orët e mëngjesit ku vlerat minimale do të jenë jo më të ulëta se 10 °C (kjo për zonat malore), si dhe pa luhatje të ndjeshme në vlerat e mesditës ku temperaturat maksimale nuk pritet ti kalojë 27°C (kryesisht bregdeti dhe zonat e ulëta).
Discussion about this post