Territori shqiptar mbetet në ndikimin e valëve të nxehtit afrikan ku termometri do të ngjitet sërisht deri në 42 gradë C në zona të izoluara në qarqet; Elbasan, Berat dhe Gjirokastër.
Përsa i përket motit, do të jetë i kthjellët dhe i nxehtë në të gjithë territorin e vendit deri në orët e vona të pasdites ku priten kalime vranësirash të lehta në zonat Verilindore dhe Juglindore. Parashikohet që ky stabilitet i atmosferës të na shoqërojë edhe gjatë natës.
Era do të fryjë me drejtim veriperëndim – verilindje me shpejtësi mesatare 1–5m/s, ndërsa në bregdet dhe lugina era fiton shpejtësi deri në 8m/s. Valëzimi në dete do të jetë i forcës 1 ballë.
Temperaturat parashikohen:
në zonat malore 17 deri 37°C
në zonat e ulëta 19 deri 42°C
në zonat bregdetare 23 deri 39°C
Discussion about this post