Pas ditëve të ngrohta plot diell, e diela do të përfshihet nga reshje intensive shiu në 5 qarqe të vendit. Pavarësisht motit të keq, temperaturat do të jenë të larta.
Do të ketë reshje me intensitet të lartë që do të jenë më të përqendruara në veri dhe jug të territorit. Kryesisht në qarqet Shkodër, Kukës, Lezhë, Vlorë dhe Gjirokastër. Reshjet do të jenë të niveleve intensive dhe me vërshime të shpejta të lumenjve të vegjël malor që do të shoqërohen me rrëshqitje të dherave.
Në zonat urbane mund të shfaqen problematika me përmbytje të lokalizuara. Qarqet do të jenë të shoqëruara dhe me shtrëngata dhe pritet që nivelin më të lartë ta kenë gjatë pasdites deri të hënën në mesditë. Qarqet si Dibra, Durrësit, Elbasani, Fieri, Tirana, Berati dhe Korça mbeten në nivele mesatare të reshjeve.
Moti do të jetë me vranësira, reshje shiu dhe stuhi me aktivitet kryesor në veriperëndim, në mbrëmje vonë reshjet do të zhvendosen drejt jugut.
Era do të jetë e vrullshme me drejtim me shpejtësi 18-25 m/sek në bregdet.
Valëzimi do të jetë i forcës 6-7 me lartësi vale 1,5 deri në 2,5 metër në det të hapur.
Temperaturat minimale dhe maksimale:
Zona malore 4/13°C
Zona e ulët 8/19°C
Zona bregdetare 12/18°C
Discussion about this post