Ditën e Mërkurë vendi ynë do të ndikohet nga kushte të qëndrueshme atmosferike.
Do të vijojë qarkullimi i masave ajrore me origjinë Lindore duke sjellë mbizotërim të motit të kthjellët në të gjithë territorin shqiptar, ku më të theksuara kthjellimet paraqiten në zonat e ulëta dhe bregdetare, ndërsa me kthjellime dhe vranësira të lehta do të dominohen zonat malore.
Parashikohet që pjesa e dytë e ditës dhe në vijim të vijojë nën ndikimin e kushteve të qëndrueshme atmosferike.
Temperaturat e ajrit do të pësojnë rritje të lehtë në dy vlerat ekstremale ditore duke u luhatur nga -1°C vlera minimale e shënuar në verilindje, deri në 20°C vlera maksimale, e cila pritet përgjatë vijës bregdetare.
Era do të fryjë e lehtë dhe mesatare me shpejtësi deri në 30 km/h nga drejtimi verilindor dhe për pasojë në brigjet detare do të krijohet dallgëzim i ulët.
Temperaturat parashikohen:
| QYTETET | Temperaturat në °C | Sigla |
| Shkodër | 3/16 | Diell re |
| Kukës | 0/15 | Diell re |
| Lezhë | 6/16 | Re diell |
| Dibër | 0/14 | Diell |
| Durrës | 6/18 | Diell re |
| Tiranë | 5/17 | Diell re |
| Elbasan | 4/17 | Diell |
| Berat | 3/18 | Diell |
| Vlorë | 6/17 | Diell |
| Korçë | -2/13 | Diell |
| Gjirokastër | 4/17 | Diell |
| Sarandë | 6/18 | Diell |
Discussion about this post