Vendi ynë do të vijojë të ndikohet edhe gjatë ditës së shtunë nga kushte atmosferike relativisht të qëndrueshme, ndërsa temperaturat do të shënojnë vlera të larta.
Sipas parashikimit të motit, vranësira të pakta deri mesatare pritet të shfaqen gjatë mesditës përgjatë relieveve malore në lindje dhe juglindje të vendit.
Në këto zona, vranësirat mund të shoqërohen me reshje shiu me intensitet kryesisht të ulët, ndërsa në zonat malore nuk përjashtohen shtrëngata afatshkurtra, të shoqëruara edhe me shkarkesa elektrike.
Ndërkohë, temperaturat do të jenë tepër të larta. Maksimumet pritet të arrijnë deri në 40°C në Tiranë, Shkodër dhe Fier, ndërsa në Elbasan, Berat dhe Gjirokastër temperaturat ngjiten deri në 41°C.
Era do të fryjë nga juglindja në jugperëndim me shpejtësi mesatare rreth 7 m/s. Përgjatë vijës bregdetare, kryesisht në atë jugperëndimore, si edhe në zonat luginore, era pritet të forcohet herë pas here, duke arritur shpejtësi deri në 14 m/s.
Në det parashikohet valëzim i forcës 1-3 ballë.
Discussion about this post