Vendi ynë do të mbetet nën ndikimin e kushteve të qëndrueshme atmosferike duke sjellë mbizotërim të kthjellimeve në pjesën më të madhe të territorit, ku më të theksuara kthjellimet do të paraqiten në vijën bregdetare.
Parashikohet që orët e pasdites të sjellin vranësira në të gjithë territorin e vendit ku më të dendura vranësirat do të jenë në zonat malore përgjatë shtrirjes lindore, por mundësia për reshje do të jenë thuajse zero.
Përsa i përket situatës termike, temperaturat e ajrit do të rriten si në mëngjes edhe në mesditë duke u luhatur në vlerat ditore nga 8°C deri në 27°C.
Era do te fryjë mesatare, por herë pas here e fortë me shpejtesi deri në 45 km/h nga drejtimi verior dhe veriperëndimor duke krijuar në brigjet detare dallgëzim deri në 3 ballë.
Discussion about this post