Ditën e enjte vendim ynë parashikohet të jetë nën ndikim të kushteve atmosferike të qëndrueshme. Moti parashikohet me kthjellime e shtim gradual të vranësirave në orët e pasdites, kryesisht në veri dhe qendër të vendit.
Era do të fryjë nga kuadrati i jugut me shpejtësi mesatare 1-8m/sek, e cila hera-herës përgjatë vijës bregdetare dhe në zonat luginore fiton shpejtësi deri në 15m/s. Sipas SHMU valëzimi në dete i forcës 3-4 ballë.
Kujtojmë se vendi ynë ka hyrë zyrtarisht në stinën e vjeshtës, por java që presim përpara na rezervon përsëri mot me diell si dhe temperatura relativisht të larta.
Sipas SHMU në relievet malore në orët e mesditës vranësirat do të shoqërohen me reshje shiu afatshkurtra dhe të izoluara në formën e shtrëngatave apo stuhive.
Situata meteorologjike ndryshon plotësisht gjatë ditës së Premte. Moti parashikohet me vranësira mesatare deri të dendura por edhe alternime të herëpashershme me diell dhe kryesisht në jug të vendit. Në zonën e veriperëndimit dhe pjesërisht atë të qendrës reshje shiu me intensitet mesatar dhe lokalisht deri të lartë në formën e rrebesheve dhe stuhive. Në pjesën tjetër të territorit reshjet do të jenë të herëpashershme dhe intensitet të ulët.
Discussion about this post