Vendi ynë do të ndikohet nga kushte atmosferike të qëndrueshme, duke sjellë një ditë përgjithësisht të kthjellët dhe të qetë në pjesën më të madhe të territorit.
Sipas SHMU, pritet që në zonat fushore dhe bregdetare moti të jetë kryesisht i kthjellët gjatë gjithë ditës.
Në relievet malore në lindje do të ketë vranësira të pakta deri mesatare kalimtare, të cilat nga mesdita deri në pasdite mund të shoqërohen me reshje shiu të dobëta dhe afatshkurtra.
Era do të fryjë me drejtim verilindje – veriperëndim me një shpejtësi mesatare prej 8 m/s. Në zonat luginore dhe përgjatë vijës bregdetare, era do të forcohet herë pas here, duke arritur deri në 17 m/s.
Valëzimi në det parashikohet i lehtë deri mesatar, me forcë 2–3 ballë.
Discussion about this post