Dita e sotme pritet të sjellë një mot të kthjellët dhe të qëndrueshëm në të gjithë territorin e Shqipërisë. Sipas parashikimeve meteorologjike, moti do të jetë i kthjellët, pa reshje dhe me diell gjatë gjithë ditës në të gjitha qarqet e vendit.
Era do të fryjë kryesisht nga drejtimi verilindje – veriperëndim, me një shpejtësi mesatare prej 5 m/s, ndërsa në zonat përgjatë vijës bregdetare pritet të arrijë deri në 8 m/s, duke sjellë një freski të lehtë, veçanërisht në orët e paradites dhe mbrëmjes.
Deti do të paraqitet i qetë, me valëzim të ulët, në forcën 1-2 ballë, duke e bërë të favorshëm edhe lundrimin apo aktivitetet detare.
Discussion about this post