Shërbimi Meteorologjik Ushtarak njoftoi se sot vendi ynë do të ndikohet nga kushte atmosferike të qëndrueshme si pasojë e masave ajrore të thata me origjinë veriore.
Vendi ynë do të ndikohet sot nga kushte atmosferike të qëndrueshme. Moti parashikohet i kthjellët në të gjithë territorin e vranësira të pakta kalimtare në relievet malore në lindje. Mjegull lokale/mjegullinë në orët e mëngjesit kryesisht në zonat malore e luginore.
Temperaturat do të bien ndjeshëm, nga -6°C deri në 12°C.
Era do të fryjë me drejtim veri-verilindje me shpejtësi mesatare 10 m/s, shoqëruar me valëzim në dete të forcës 1-3 ballë.
Discussion about this post