Vendi ynë si pasojë e masave ajrore Afrikane do të jetë sërish në mbizotërimin e motit te kthjellët dhe të nxehtë në gjatë gjithë paradites por orët e pasdites sjellin kalime vranësirash të lehta në bregdet dhe zonat e ulëta por pritet grumbullim i vranësirave ne zonat malore përgjatë kufirit Lindor duke sjellë rrebeshe afat-shkurta shiu. Sipas MeteoAlb gjatë natës do të këtë përmirësim të motit duke bërë që i gjithë territori të jetë i kthjellët.
Temperaturat e ajrit do të ulen lehtë në mëngjes, por mbeten konstante në mesditë duke luhatur vlerat ditore nga 15°C deri në 39°C. Era do te fryjë mesatarisht me shpejtësi 30 km/h nga drejtimi Jugor duke krijuar ne det dallgëzim 1 – 2 balle.
Rajoni dhe Europa
Zhvillimi i një qendre të fuqishme ciklonare mbi Ishujt Britanikë do te sjellë reshjet të dendura shiu si edhe stuhi të forta ere. Po ashtu, stuhitë tropikale do të vijojnë në Europën Qëndrore duke bërë qe rrebeshet e shiut dhe mini-stuhitë e breshëritë të jene prezentë ndersa e gjithë pjesa tjetër e kontinentit Evropian do të jetë nën ndikimin e valëve të nxehtit Afrikan duke kushtëzuar mot të kthjellët dhe të nxehtë.
Republika e Kosovës
Paraditja do të nisë, me kthjellime dhe kalime të pakta vranësirash në të gjithë territorin e Kosovës POR pas- mesditës dhe në vijim do të ketë shtim të vranësirave dhe lagështirës në ajër në shumë zona të Kosovës, parashikohet të ketë reshje shiu në të gjithë Kosovën.
Discussion about this post