Spartak Ngjela tërheq vëmendjen me parashikimet e tij, veçanërisht kur flet për PD dhe opozitën.
Së fundmi Ngjela ka komentuar kërkesën e SPAK drejtuar Kuvendit ku kërkon një autorizim për vendosjen e një prej masave të sigurisë “arrest me burg” ose “arrest shtëpie” ndaj ish-Kryeministrit.
E ndërsa e quan një veprim ligjor normal që pason refuzimin e Sali Berishës për të mos zbatuar vendimin e GJKKO-së, Ngjela shprehet se vetëm mbretin nuk e kap ligji.
“Duhej ti përgjigjej kërkesave të hetuesisë në mënyrë të saktë sepse nëse nuk shkon në hetim kanë të drejtën e arrestit ua ka dhënë ligji”, tha Ngjela. Kurse për mosbindjen civile për të cilën flet Berisha, Ngjela e quan betejë të humbur për ish-kryeministrin.
Po ashtu Ngjela beson se nëse drejtësia i shkon në fund hetimit për Sali Berishën, PD-ja merr qeverinë.
“Do e ndihmojë shumë PD. Nëse Berishës ia çojnë deri në fund goditjen, se nuk besoj dot sepse lideri i PS-së dhe krerët e duan Saliun ta kenë atje të fitojnë gjithmonë, flas politikisht. Nëse SPAK do ta çojë deri në fund edhe ai dënohet qoftë dhe për 6 muaj ai ikën nga politika. Nëse ikën nga politika PD për 6 muaj merr pushtetin, rrëzon PS-në.
Partia Socialiste rrëzohet menjëherë në momentin që ky është larguar nga skakiera politike. Unë them që eliminimi i tij e sjell për 3 -4 muaj PD në pushtet. Njerëzit janë mërzitur shumë me PS-në por mes dy të këqijave, zgjedhin të keqen më të vogël. Në momentin kur e keqja e madhe largohet ajo e vogla bëhet e madhe”, tha Ngjela.
Ai është i bindur që Berisha gabon kur refuzon të shkojë në gjykatë pasi në këtë mënyrë ai nuk mbron veten. Më 18 dhjetor Këshilli për Rregulloren Mandatet dhe Imunitetin, do të mblidhet për kërkesën e SPAK për arrestimin e Sali Berishës.
Discussion about this post