Disa parashutistë nga Serbia të cilët janë “hedhur” dy ditë më parë në zonën kufitare me Kosovën, kanë ngritur disa dyshime.
Përfaqësuesit e KFOR-it, kanë reaguar në lidhje më këtë ngjarje ku janë shprehur se sipas informacioneve të tyre, Forcat e Armatosura të Serbisë kanë zhvilluar një stërvitje në zonën e Kragujevacit.
Më tej, KFOR-i thotë se stërvitja ishte paralajmëruar nga autoritet serbe.
“Sipas informacioneve të KFOR-it, Forcat e Armatosura të Serbisë kanë zhvilluar një stërvitje në zonën e Kragujevacit brenda Zonës së Sigurisë Tokësore në anën serbe të vijës kufitare administrative, në periudhën 29 dhe 30 qershor. Stërvitja është paralajmëruar nga autoritetet serbe në përputhje me procedurat ekzistuese. KFOR-i mban një prani në të gjithë Kosovën dhe vazhdon të kryejë patrullime ditore, duke përfshirë edhe pjesën veriore të Kosovës, në respekt të plotë të mandatit të tij të OKB-së që rrjedh nga Rezoluta 1244 e Këshillit të Sigurimit të OKB-së të vitit 1999 për të siguruar një mjedis të sigurt dhe lirinë e lëvizjes për të gjithë popullin e Kosovës”, thuhet në përgjigjen e KFOR-it.
Discussion about this post