Paris Saint-Germain ka konfirmuar edhe zyrtarisht transferimin e mbrojtësit Milan Skriniar si lojtar i lirë, pas skadimit të kontratës së tij me Interin.
Kampioni francez ka vazhduar me zyrtarizime edhe gjatë ditës së sotme, pasi ka konfirmuar ardhjen e Skriniar, pas nënshkrimit me trajnerin Luis Enrique.
Skriniar vjen në Parc des Princes si lojtar i lirë pas skadimit të kontratës së tij me Interin dhe mos vazhdimit të saj.
Paris Saint-Germain kishte arritur marrëveshje me yllin sllovak nga janari, por vetëm tani ka ardhur zyrtarizimi i transferimit.
“Paris Saint-Germain është i kënaqur të njoftojë se Milan Skriniar ka nënshkruar një marrëveshje pesëvjeçare me klubin.
Kontrata e mbrojtësit sllovak është deri më 30 qershor 2028”, thuhet në njoftimin e klubit francez.
Discussion about this post