Parlamenti i Shqipërisë, me shumicë të votave ka vendosur që të mos ketë Komision Hetimor për Portin e Durrësit.
Ngritja e Komisionit Hetimor për Portin e Durrësit është rrëzuar me 65 vota kundër.
Kërkesën për të ngritur një Komision Hetimor për portin në qytetin bregdetar e kishte parashtruar opozita e vendit.
Deputetë të Partisë Demokratike dorëzuan me 6 prill në Kuvend kërkesën për ngritjen e një komisioni hetimor për Portin e Durrësit.
Ishin deputetët Oerd Bylykbashi dhe Albana Vokshi ata që dorëzuan kërkesën, ku u shprehën se ky projekt është një aferë që po zhduk Portin.
Ata deklaruan në atë kohë se kanë marrë firmat e 35 deputetëve, duke plotësuar kështu firmat e nevojshme për ngritjen e Komisionit Hetimor.
Discussion about this post