Partia e Lirisë ka dalë sot në një deklaratë për mediat ku akuzon kryeministrin Rama se vetëm po kërkon ta largojë Shqipërinë nga anëtarësimi në BE. Zëvendëskryetari i Partisë së Lirisë , Agim Nesho i është përgjigjur kryeministrit Edi Rama lidhur me deklaratën në forumin e “Bled”, se ‘Bullgaria për tetë vite ka penguar integrimin e Shqipërisë në BE’. Ai tha se Ministria e Punëve të Jashtme të Bullgarisë ka deklaruar se këtë deklaratë anti-Bullgare dhe anti-europiane do ta ndjekë sipas të drejtës ndërkombëtare dhe europiane. Gjithashtu në Nesho tha se një vend mik i Shqipërisë ngre alarmin për retorikën e kësaj qeveria, duke shtuar se Rama po provokon vendet e Europiane dhe po përpiqet të imponojë një agjendë joeuropiane.
“Partia e Lirisë e shikon këtë politikë të personalizuar të zotit Rama dhe shumë të rrezikshme për të ardhmen e Shqipërisë. Në përgjigje të retorikës boshe por të qëllimshme të Kryeministrit Rama në forumin e Bled, se ‘Bullgaria per tetë vite ka penguar integrimin e Shqipërisë në BE’, Ministria e Punëve të Jashtme të Bullgarisë ka deklaruar se këtë deklaratë anti-Bullgare dhe anti-europiane do ta ndjekë sipas të drejtës ndërkombëtare dhe europiane.
Akuzat për shpifje ndaj kryeministrit Rama, të bëra nga një vend anëtar i Bashkimit Europian dhe anëtar i NATO-s, një vend historikisht mik i Shqipërisë, ngre alarmin për diskursin anti-europian në të gjitha planet: ndaj politikave të BE-së, ndaj vendeve të vecanta si dhe dështimin në plotësimin e kërkesave themelore të Parlamenit Europian, Bundestagut Gjerman, për forcimin e shtetit ligjor dhe demokracisë në Shqipëri”, tha ai. Duke theksuar se Rama është një rrezik për të ardhmen e vendit.
Discussion about this post