Partia Popullore Europiane i heq PD-së të drejtën e votës në kongresin për President

Partia Popullore Europiane i ka hequr të drejtën e votës në Kongres Partisë Demokratike, që zhvillohet në Roterdam ku votohet Presidenti i PPE.

Sipas dokumenteve të siguruara, PD nuk ka asnjë delegat, pra i vetmi vend nga lista e partive që janë pjesë e PPE.

Kongresi i PPE-së do të mbahet në 31 maj dhe 1 qershor në Roterdam të Holandës ku një ndër temaat kryesore do të jetë edhe përçarja e PD-së.

Burime bëjnë me dije se për të marrë pjesë në punimet e kongresit dy ditor janë ftuar tre deputetë të PD-së. Bëhet fjalë për Jorida Tabakun, Bleind Këlliçin dhe Albana Vokshin.