Partia Socialiste mbledh këtë të diel në Durrës Asamblenë Kombëtare. Mbledhja e Asamblesë do të nisë në orën 11:00 dhe do jetë kryeministri Edi Rama që do të mbajë fjalën hapëse.
Më pas do të zhvillohet votimi për organet e reja drejtuese të PS, për Kryesinë dhe Sekretariatin e PS.
Asambleja Kombëtare e PS-së u zgjodh nga votat e delegatëve të Kongresi Zgjedhor i PS në 28 korrik të këtij viti.
Një nga pikat e paralajmëruara ka të bëjë me përcaktimin e drejtuesve politikë të PS-së në Qarqe, të cilët do të organizojnë dhe drejtojnë punën sa i takon fushatës zgjedhore në qarkun që do të caktohen.
Discussion about this post