Pas një faze të parë aspak të mirë të këtij sezoni, klubi i Partizanit është vënë në lëvizje që të forcojë skuadrën.
‘Të kuqtë’ e kryeqytetit kanë nisur merkaton e janarit dhe raportohet se kanë afruar ish-kapitenin e Teutës, Sherif Kallakun, i cili do u bashkohet deri në fund të këtij sezoni.
Marrëveshja mes palëve është arritur dhe të hënën pritet të bëhet edhe zyrtarizimi i këtij afrimi te Partizani.
Kallaku është huazuar nga Lokomotiva e Zagrebit te Teuta për 6 muaj dhe tani klubi kroat dhe lojtari kanë vendosur se Partizani është mundësia më e mirë për vazhdimësinë e këtij sezoni për të.
Interes për mesfushorin shfaqën edhe skuadra të tjera të Superiores si, Dinamo, Laçi dhe Kukësi, por në fund zgjedhja rezultoi të ishte Partizani./K.T/Gijotina.com
Discussion about this post