Partizani dhe Elbasani e kanë mbyllur në barazim ndeshjen e vlefshme për javën e 18-të të Superiores.
Sfida u zhbllokua nga Mba në të 13-të por festa nuk iu zgjati shumë të kuqve. Elbasani arriti të shënojë dy gola në të 20-ën me Tsague dhe Mustën në të 29-ën duke përmbysur shifrat. Kështu u mbyll pjesa e parë.
Pjesa e dytë foli më shumë për Partizanin që pati edhe më shumë raste. Goli i barazimit erdhi nga Janjeva në të 60-ën.
Me këtë barazim Partizani renditet në vendin e 3-të me 30 pikë dhe Elbasani në vendin e 5-të me 22 pikë.
PARTIZANI 2-2 ELBASANI
13′ Mba, 60′ Janjeva/ 20′ Tsague, 29′ Musta
13′ GOOOL PARTIZANI 1-0/ Pas një rrëmuje në zonë, Kristian Mba përfiton duke shtangur portierin e Elbasanit, Razak Abalora
20′ GOOOL ELBASANI 1-1/ Hakaj kroson, Tsague gjen golin e barazimit duke mposhtur Pano Qirkon.
29′ GOOOL ELBASANI 1-2/ Qose gjuan nga goditja e dënimit dhe topi shkon për Lilën, ky i fundit pason për Mustën i cili shtang të kuqtë.
61′ GOOOL PARTIZANI 2-2/ Ismajli gjuan drejt portës, Janjeva e devijon duke shtangur Abalorën dhe rikthyer baraspeshën.
FORMACIONET ZYRTARE
PARTIZANI: Qirko, Janjeva, Mehmeti, Ismaili, Zeka, Cara, Buxhelaj, Taipi, Sembene, Domgjoni, Mba
Trajner: Aleksandër Veselinoviç
ELBASANI: Abalora, Qaqi, Dros, Tsague, Lajthia, Kasa, Ze Gomesh, Hakaj, Musta, Qose, Lila
Trajner: Ivan Gvozdenoviç.
gijotina.com/
Discussion about this post