Vera është shoqëruar me disa ndryshime në kampin e kuq, me lojtarë të ardhur, të larguar, por edhe të tjerë “të shpluhuruar” nga ana e Zekiçit.
Gjatë kësaj vere, Partizani ka fituar disa lojtarë, të cilët pritet të jenë të rëndësishëm në vazhdim.
I pari është padyshim Maget. Cilësitë e senegalezit diheshin, por herë dëmtimet e herë konkurrenca e fortë në mesfushë kishin bërë që ai të mos shpërthente. Tashmë ka kapur ritmin maksimal dhe gradualisht po gjen vend në formacion.
Adnard Mehmeti është një tjetër zbulim për Partizanin. Ai është blerja, që ka arritur të ingranohet më shpejt me lojën e të kuqve.
Leart Zekolli, gjithashtu është shndërruar në një alternativë cilësore në krahun e djathtë të mbrojtjes.
Arçejnxh Bintsuka është gjithashtu një lojtar i fituar. Kongolezi e tregoi në Europë, por edhe ditën e djeshme nuk bëri keq. Do të jetë gjatë gjithë sezonit një opsion për 11-shen startuese.
Gjithashtu, Sembene para se të dëmtohej ishte një lojtar, që e ndihmoi Partizanin në fazën mbrojtëse dhe pritet të jetë alternativë pasi të kthehet nga dëmtimi./PanoramaSport
Discussion about this post