Partizani ia del të kualifikohet për në raundin e dytë të Ligës së Konferencës, teksa mposhti me përmbysje 1-2 maltezët e Marsaxlokk në një duel që rezultoi tepër interesant.
Të kuqtë treguan shumë dëshirë në pjesën e parë, duke dominuar totalisht dhe duke zhvendosur kundërshtarin në gjysmëfushën e vet. Në minutën e 27-të, asist perfekt i Rrapajt për Bintsoukan, i cili gjuajti mirë, por vetëm traversa e ndali.
Ekipi i Shehit shtoi presionin, Rrapaj “flirtoi” me golin pak më vonë, teksa provoi të zgjidhë vetë ndeshjen, me një goditje nga distanca.
Pjesa e dytë nisi zjarr. Yuri zhbllokoi ndeshjen për vendasit, ndërsa i menjëhershëm ishte reagimi me Carën. Pak më vonë, Bintsouka shpërdoroi një rast të artë, nuk realizoi dot përballë portierit.
Goli i Kekos në minutat shtesë solli kualifikim e madh për Partizanin, që e sheh veten në turin e dytë të Conference League.
Discussion about this post