Partizani gati për fazën e dytë, javën e 10-të do të ketë përballë ish-trajnerin

Partizani do të luajë ditën e dielë ndeshjen e javës së 10-të të “Abissnet Superiore”, takim që do të nisë në orën 14:00.

Në “Elbasan Arena” demat e kuq do të vihen përballë Egnatias, teksa në stolin e rrogozhinasve është një ish-i kuq. Bëhet fjalë për Shpëtim Duron, i cili është një “dashuri e vjetër” e Partizanit, një njeri që e njeh kokë e këmbë Partizanin. Grupi pritet të jetë i plotë dhe të kuqtë do të luajnë vetëm për fitore.

Kujtojmë se ndalesat e rivalëve kanë sjellë qetësinë në kampin e kuq që sheh distancën t’i rritet me 4 pikë.