Ish-mesfushori i Partizanit, Masanga Matondo, bëri një hap të rëndësishëm në karrierën e tij, duke u transferuar te skuadra e Hatajspor, që militon në elitën e futbollit turk.
Nëpërmjet një postimi në faqen zyrtare, kampionët e Superiores, konfirmuan shitjen e futbollistit që sezonin e shkuar rezultoi nga më të spikaturit, duke dhënë një kontribut të çmuar për fitimin e titullit. Në ditët në vijim pritet të zbulohen edhe detajet e transferimit të Matondos, i cili ka kaluar, ndërkohë, vizitat mjekësore me klubin turk.
NJOFTIMI I KLUBIT:
Partizani zyrtarizon arritjen e marrëveshjes me klubin turk Hatayspor për trasferimin e lojtarit Masanga Matondo. Kampionët e shqipërisë kanë konkretizuar sot marrëveshjen për transferimin me titull definitiv te mesfushorit 24 vjeçar te Hatayspor skuadër e cila këtë seson është pjesë e Superligës turke.
Discussion about this post