Kategoria Superiore ka mbyllur javën e 8-të, me dy ndeshjet e fundit që u luajtën këtë të shtunë. Partizani barazoi pa gola me Egnatian në shtëpi, ndërsa Teuta triumfoi 3-2 në Durrës kundër Flamurtarit.
Në një sfidë shumë të luftuar, vëmendja e të kuqve ishte të mos pësonin dhe të kundërsulmonin, duke bërë që ndeshja të kishte pak raste për shënim. Sidomos në pjesën e parë, ku dëmtimet e Bintsuka dhe Sembene ndryshuan plotësisht planet e Kërnajës.
Në të dytën, loja ishte më e hapur dhe kishte raste për skuadrat, por asnjëra nuk ia doli të gjente rrjetën. Në fund kishte pak kaos dhe një të kuq për Gudjufin, duke bërë që Partizani ta mbyllte me 10 futbollistë këtë sfidë
Me barazimin e “Demave”, më e lumtura duket Vllaznia, që kështu shkëputet nga Egnatia me 5 pikë diferencë. Nga ana tjetër, Teuta ngjitet në vendin e 3-të të renditjes, si ekipi i vetëm i pamposhtur deri më tani.
Partizani ndodhet vetëm 2 pikë larg zonës së ftohtë, ndërsa për momentin në Kategorinë e Parë zbresin Flamurtari dhe Tirana.
gijotina.com/
Discussion about this post