Partizani largon drejtorin sportiv edhe pse sezoni u mbyll në mënyrën më të mirë të mundshme, me titullin e 17 në histori. Elton Marini mbyll bashkëpunimin me të kuqtë në rolin e drejtuesit, por jo në forma të tjera.
Lajmi që qarkullonte prej disa ditësh në mediet sportive u zyrtarizua sot nga vetë klubi i kuq.
“FK PARTIZANI njofton mbylljen konsensuale të bashkëpunimit me Drejtorin Sportiv, Elton Marini. Partizani falënderon Marinin për gjithçka ka dhënë për klubin e kuq në një vit të suksesshëm ku Partizani u shpall Kampion i Shqipërisë. Bashkëpunimi i Partizanit me Marinin do të vazhdojë në forma të tjera.”, thuhet në njoftimin e klubit të Partizanit
Marini u emërua si drejtor i Partizanit verën e shkuar dhe arriti të fitonte titullin kampion me të kuqtë, teksa largohet para se skuadra të nisë përgatitjet për Kupat e Europës.
Tashmë, mbetet të shihet se kush do të marrë postin e drejtorit sportiv te të kuqtë
Discussion about this post