Partizani merr “dritën jeshile”, ja kur demat do të luajnë ndeshjet e kampionatit në “shtëpinë” e re

Partizani më në fund duket se ka marrë “dritën jeshile” nga FSHF për të zhvilluar ndeshjet e kampionatit shqiptarë në “shtëpinë” e re.

Pas përballjes me Orikun në Kupë, tashmë demat mund të luajnë edhe ndeshjet e “Abissnet Superiore”, sipas asaj që ka raportuar “Partizani Fan Club”.

Në ditën e nesërme të kuqtë do të shkojnë në Elbasan Arena për t’u përballur me Kastriotin. Pas kësaj, i presin tre transferta radhazi, ndaj Teutës, Egnatias dhe Laçit.

Përballja me Bylisin do shikojë që “shtegtimi” i Partizanit do të marrë fund, pasi kjo ndeshje me shumë gjasa do të luhet në “shtëpinë” e re.