Partizani ka njoftuar ditën e sotme se ka ndërprerë kontratën me mesfushorin 28-vjeçar, Victor Da Silva.
Sipas klubit kryeqytetas, ndërprerja e kontratës ka qenë me mirëkuptimin e të dyja palëve, ku gjithashtu ata i shprehin edhe falënderimet e tyre për kontributin e tij në fushën e lojës me fanellën e “Demave”.
Një lëvizje surprizë kjo nga ana e “demave”, duke lënë të lirë një nga futbollistët që spikati më së shumti sezonin e kaluar, në të cilin u shpallën dhe kampionë të Shqipërisë.
“Partizani zyrtarizon mbylljen e bashkëpunimit me Victor Da Silva. Mesfushori 28 vjeçar dhe klubi kanë vendosur sot të ndërpresin me mirëkuptim kontratën mes tyre.
Partizani dëshiron ti shpreh mirënjohjen Victor Da Silvës për kontributin e dhënë me fanellën e kuqe, me të cilën u shpall edhe kampion i Shqipërisë.
Kënaqësi që ishe pjesë e familjes tonë të madhe Partizani”, shkruan klubi i kuq në rrjetet sociale.
Discussion about this post