Ish-trajneri i Partizanit, i cili i dërgoi demat në Europë dhe në gjysmëfinalen e Kupës së Shqipërisë, është rikthyer të flasë për të kuqtë.
Partizani këtë sezon kryeson kampionatin shqiptarë, teksa Dritan Mehmeti ka kujtuar momentet më të mira që ka kaluar në drejtimin e të kuqve, në një intervistë për “News24”
“Partizani nuk më befason se ka një skuadër mjaftë të mirë. Normalisht puna e trajnerit është në pikëpytje gjatë gjithë kohën. Kur e mora ekipin bëmë një punë të mirë dhe e çova në kupa të europës. Ishin dy pika kyçe që i kam ndjerë shumë, eleminimi me Vllazninë dhe në turin e parë të europës, por duhet të them që ishin me 11 metersha të dyja. Pavarsishtë punës Partizani morri 40 pikë me mua në atë sezon. Por mendoj që jo vetem te Partizani, por në të gjithë botën, puna e trajnerit ka rrezikun e lartë me vete.
Partizani ka shume pak diferenca me Colellën, por nuk është ai Partizani që do doja unë, ta dominonte kundërshtarin.
Tiranës i kanë ikur 5 element cilësor por kanë arrit ta menaxhojnë mirë, pasi 3 janë dhe te kombëtarja. Do të thoja që Tirana ka humbur pak nga ai shkëlqimi i kaluar. Xhixha ka qenë aty por ka atë shkëlqimin tani dhe po e ndihmon shumë”, ka deklaruar Mehmeti.
Discussion about this post