Duket se “Big Brother” hapi krahun dhe tashmë vëmendjen e të gjithëve e ka marrë derbi i 17 majit, një nga përballjet më të rëndësishme të dekadës së fundit. Për fatin e mirë të tyre, të kuqtë shkojnë në këtë derbi me formë optimale, pasi kanë arritur të fitojnë tri përballjet e fundit.
Në rast fitoreje ndaj Tiranës, Partizani do të siguronte një ecuri rekord, të cilën nuk e përsërisin prej plot 5 vitesh, që nga viti 2018, kur fitonin titullin kampion. Atëherë korrnin një sukses me 5 triumfe radhazi. Nën drejtimin e Skënder Gegës, të kuqtë në atë kohë kalonin me sukses Flamurtarin, Tiranën, Teutën, Kukësin dhe Luftëtarin.
Që atëherë, ecuria më e mirë ka qenë me tri fitore radhazi, teksa për të fituar titullin e këtij sezoni do të duhet të thyhet ky rekord. Përpara Partizani ka Tiranën dhe Vllazninë, dy sfida të mëdhash.
Discussion about this post