Partizani para misionit përmbysje në sfidën e kthimit me Iberia 1999. Humbja 2-0 në takimin e parë në Gjeorgji ka reduktuar ndjeshëm shanset e të kuqve për të vazhduar përtej raundit të dytë të Conference League, megjithatë në Elbasan Arena përballë tifozëve të tyre, trupa e Orges Shehit ka detyrën për ta provuar deri në fund.
Një gol i shpejtë mund të ndryshojë gjithcka, dhe është pikërisht ajo që do ti duhet Partizanit këtë të enjte, me të kuqtë që do tju duhet të dhurojnë një performancë krejt tjetër nga ajo e një jave më parë, ku u shfaqën të pafuqishëm në sulm përballë Iberias, me teknikun Shehi që pritet të provojë ndryshime.
Mbështetja e tifozëve vendas është një shtysë më shumë për të dhënë maksimumin përballë skuadrës që i eleminonte të kuqtë edhe dy vjet më parë në Conferencë League falë goditjeve të 11 metërshave.
Ndryshe nga Partizani që ka patur një javë kohë për të rregulluar difektet e shfaqura në takimin e parë, Iberias i është dashur të zbresë në fushë pas atij takimi edhe për Kupën e Gjoergjisë, kompeticion ku u eleminua pas humbjes 2-1 që pësoi të dielën përballë Dinamos së Tbilisit, një takim ku gjithsesi trajneri i gjeorgjinave kurseu disa nga lojtarët titullarë, pikërisht për takimin e kësaj të enjteje përballë Partizanit.
Discussion about this post