Partizani luan sot sfidën e parë të Ligës së Konferencës kundër Sfintulit, në orën 20:00 në “Elbasan Arena”. Ky takim do të jetë shumë i rëndësishëm për të kuqtë e Ilir Dajës, që po ashtu do të kenë mbështetjen e tifozëve në shkallët e stadiumit, pasi do të lejohen 30% e kapacitetit.
Demat” do të kërkojnë të marrin maksimumin nga përballja e sotme ndaj moldavëvë të Sfintulit, teksa objektivi është kualifikimi për në turin e dytë të Ligës së Konferencave, aty ku i pret skuadra e Bazelit.
Për sa i përket sfidës së sotme, ajo pritet të luhet në temperature të larta që do të variojnë deri në 31 gradë. Skuadra e arbitrave është e gjitha zvicerane, me në krye Fandrik, i cili do të vendosë drejtësi në “Elbasan Arena”.
Trajneri i të kuqve, Ilir Daja, ka bërë publike edhe formacionet zyrtare, ku bie në sy aktivizimi nga minuta e parë e 4 debutuesve. Gligorov, Shehi dhe Musta në repartin e mbrojtjes si dhe Marku në mesfushë. Një fakt tjetër që vlen të theksohet është se Murataj ka fituar balotazhin me Koten.
FORMACIONET ZYRTARE:
PARTIZANI: Hoxha, Gligorov, Shehi, Belica, Musta, Marku, Murataj, Bardhi, Cara, Zhunior, Lukas Kardozo, Trajner: Ilir Daja.
