Sulmuesi Xhuliano Skuka do të jetë pjesë e Partizanit edhe për 3 vitet e ardhshme. Klubi nëpërmjet një postimi në rrjetet sociale ka njoftuar se me ish-lojtarin e Dinamos ka arritur të rinovojë kontratën deri në vitin 2025.
Dibrani u bashkua me Partizanin në janarin e këtij viti nga Dinamo, teksa më herët ka luajtur me Korabin. Me kontratë deri në 2024, Skuka ka zgjatur edhe me një vit marrëveshjen.
“FK Partizani me kënaqësi njofton zgjatjen e bashkëpunimit me Xhuliano Skukën. 24 vjeçari dhe drejtuesit kanë nënshkruar sot kontratën e re të vlefshme deri në vitin 2025, duke konkretizuar pozitivisht të ardhmen e sulmuesit te Partizani.
Rinovimi i kontratës erdhi me dëshirën e të dyja palëve, fakt i cili pasqyron më së miri besimin dhe korrektësinë e marrëdhënies”, shkruan klubi.
Discussion about this post