Partizani dhe Tirana luajnë sot në 19:00, në stadiumin “Air Albania” ndeshjen e prapambetur mes tyre e vlefshme për Superligën.
Ashtu sikundër edhe në përballjet e tjera mes dy ekipeve të kryqytetit “beteja” nuk është vetëm në fushën e lojës, por edhe mes tifozerive, që në jo pak raste, kanë regjistruar edhe përleshje mes tyre.
“Fanatics”, grupimi më i madh i tifozëve të Tiranës, janë mbledhur në sheshin “Skënderbej” dhe përgjatë bulevardit “Dëshmorët e Kombit” i janë drejtuar stadiumit ‘Air Albania”.
Në pamjet e mëposhtme ata shihen të grupuar dhe kanë ndezur gjithashtu flakadanë duke i “vënë flakën” rrugëve të kryeqytetit.
Rreth 10 mijë tifozë pritet të jenë sot në stadium, ndërsa ultrasit e të dyja skuadrave kanë rezervuar surpriza me koreografitë.
Ky derbi vjen me shumë ndryshime duke nisur që nga stoli. Gjithsesi të gjithë tifozët janë kureshtarë të dinë se me çfarë formacioni do të zbresin dy ekipet në fushën e lojës.
Të demat ka mungesa, teksa Da Silva, Mba, Hadroj dhe Sembene nuk ia kanë dalë të jenë të gatshëm për mbrëmjen e sotme, teksa Eros Grezda pritet ta nisë nga minuta e parë nda Tiranës. Ndërkohë nga krahu tjetër bardheblutë në këtë sfidë do të luajë me 11-tëshen më të mirë.
Formacionet e mundshme:
Partizani: Hoxha, Murataj, Sota, Bytyçi, Atanaskovski, Rrapaj, Mehmeti, Maget, Grezda, Cara, Bintsuka. Trajner: Arbër Abilaliaj
Tirana: Abdullahu, Doka, Najdovski, Hoxhallari, Përgjoni, Jonuzi, Deliu, Hila, Hasani, Latifi, Abazaj. Trajner: Julian Ahmataj.
Discussion about this post