Më 25 tetor, të hënën, në orën 19:45 në ‘AIR Albania’ do të luhet derbi midis Tiranës dhe Partizanit, takim ky i vlefshëm për javën e gjashtë të Superligës.
Në prag të kësaj sfide ‘Të kuqtë’ e kryeqytetit kanë marrë një lajm shumë të rëndë, pasi dy nga lojtarët kryesore janë dëmtuar dhe mund të humbasin këtë sfidë.
Mësohet se pas mungesës së sigurt të Lucas Cardozos në këtë sfidë rrezikojnë të mungojnë edhe Ergys Kaçe dhe Tedi Cara.
Nëse këta emra do të mungonin ‘Demat’ do të kishin probleme serioze, ndërsa alternativa për të zëvendësuar Kaçen është Herald Marku, teksa për Carën është Filipovic.
Megjithatë këto mungesa do të ndikonin shumë në rezultatin e sfidës, e cila pritet të jetë shumë e vështirë për Partizanin, i cili ka pesë javë që nuk merr dot një fitore, me Tiranën nga ana tjetër që është në krye të tabelës së Superligës./K.T/Gijotina.com
