Partnerja e Dumanit tregon “të fshehtat”: S’ja di kështu emrin, do fejoheshim

Në seancën e zhvilluar ditën e sotme për Nuredin Dumanin, ka dëshmuar edhe partnerja e tij 20- vjeçare e cila ka qenë prezente në momentin kur është arrestuar Dumani.

E dashura nga Gjilani i Kosovës ka deklaruar gjatë seancës së sotme se e njihte me emër tjetër partnerin e saj.

“Nuk e kam pas idenë se mund të kishte identitet tjetër dhe se kishte probleme me ligjin. E njihja me emër tjetër, më kishte thënë se ishte 27 vjeç dhe se do fejoheshim së shpejti”, mësohet se ka thënë e reja, e cila është arrestuar gjithashtu për fshehjen e armës dhe përkrahje e autorit të krimi, pasi apartamenti ku u gjet Dumani, ishte marrë prej saj.